病病days + 結婚feel巨大心型掛飾

本來一直都好地地, 某日起身就突然喉嚨劇痛, 之後因為唔理佢,
第2日就發展變成傷風+喉嚨痛…
第3日更見嚴重, 唯有去睇醫生.
醫生同我講左5次, “你要好好保重啦…”
醫生咁講係唔係我就快死呀?????
*今日食左第二日藥, 都係咁嚴重, 不過傷風果part好左.
但係d咳開始出.. 我開始覺得自己坐係到都手軟腳軟…

這是病病第2日, 同家姐出去買既發保膠心型.. 人地都係用黎整結婚野先用到架
我真係好鍾意呢個心型, 一早想買下來. 終於多起心干了!

先包起白色絲帶, 立即有結婚的感覺~
在看電視的同時包, 也欠缺心機吧….

再捲上lace, 好可愛啊!
在底部加四小朵金粉紅小玟玫.. 優美!
另在上方加上”i love you”黃色絲帶, 好出奇的美麗啊!
上圖只是用大頭針定位. 也不錯的.
小碧的飯桌也是工作桌啊… 地方好細啊!
放滿了的玫瑰令我好幸福… 老公看了一定說有他才是幸福!
haha…^^

放出來看, 原來中間的蝴蝶有點不對稱啊!
哎呀.. 真是.. 一大失敗..
不過老公看了我這半完成品, 說好美啊! 不過就像人家結婚時用的..
那我就說, 當然是用來結婚的.. 希望他有一天娶我時可以用啊..hahaha..
老公的回應我真的沒想到”到時就畀錢人地整個全部都係花既, 咁辛苦整黎做咩?”
那這一句的意思是我這東西不可以出大場面.. 太寒暄了吧?!
如果真係要整個for wedding 既, 一定全花上陣啦! hahahahahah..
最終都係呢句”到時先算啦!”

早上起來, 看到那個昨晚的半完成品樣子悶的.
再在上面圍上lace! 超可愛就像蛋糕一樣的! ~^^~

黑格比

呢個風真係好得人驚. 前日仲諗應該吹唔正, 唔會有八號
點知又八號..
掛足一晚
真係頭痛呢~ 因為學生時間又亂了…..
琴晚帶寶丁. 本來都好平靜, 點知突然大風起上黎.
如果老公佢唔係身邊, 我可能已經抱住寶丁找個地方收埋自己先..
haha. d 風聲好大, 好恐怖. 我覺得自己入左d鬼故事入面..
畀老公笑我”沙膽”…

晚上一直沒有好好睡. 都在發夢. 同聽雨聲.. 唉~

早上醒來, (其實是被電話叫醒的)
看到外面都黑黑的… 一帶寶丁外出, 又下大雨!
回家時, 管理處貼上了”黃雨”呀~
真煩人……. 這個黑格比!

9月14日中秋正日, 15日中秋翌日, 16日老公生日

9月14日, 問左零零借車, 本來只係同老公慶祝生日時用,
不過佢早左2日畀我, 咁見泊停車場又貴, 不過出去周圍去下啦!
反正又中秋..
所以, 9月14日, 我地入左屯門同佢媽咪食dinner. 最後係去到元朗食日本野..
之後仲送埋佢媽返屋企
是日, 我坐過老公手車, 好驚. 所以我決定未來數日都唔架車佢揸..

9月15日, 同老公先去奧海城, 再上飛鵝山.
好大霧.. 影唔到好靚既景.
不過係我人生第一次上去! 好開心.
晚上再同禮屋企人去左九龍城食dinner.

9月16日, 老公生日正日. plan左好耐.. 終於到了!
本來打算揸架車出佐敦食澳奶.
點知.. 佢話放假wo! oh!!!!!
最後過左對面食魚蛋粉(悶), 再食埋大良八記先飯後甜品.
畀老公話我做research唔得唔好…

食飽飽到行程2, 飛車上大埔道. 我地去左馬騮山..
有車車, 當然要做下d犯法野..haha
要睇相既, 去我facebook啦~

玩得好開心, d 馬騮仔全部都好可愛呀!

之後到行程3, 今次到林村許願樹。
覺得畀個班人”欺騙”, 不過當係做下善事同許下願啦..
人地都咁老了…
係果到見到老公想帶我去既”荷樺庭”, 要搵日去食下先~
好快許願完畢… 仲有時間淨就係去大埔行下街. 因為太熱了~~

最後到行程4. 是日既main point!
就係到小白鷺餐廳食dinner啦! 真係多得jeff提供地點! 否則小妹真係唔知有到咁既地方
環境好靚, 不過都係影唔到靚相…
d野都幾好食
賣相都好好. 不過唔樣樣打出黎啦.. 睇落去都幾好食,
服務又好好的~

這是我們難得的合照. 因為2個人出去. 永遠都係只可以玩自拍了.
其實個背景係湖黎架. 不過太黑, 影唔到.
不過唔緊要, 最靚既野, 已經係我同老公心入面, 永遠都記住了。

遊西貢 + 深井

在下午, 已經無無聊聊了. 
想去一些地方, 但就是想不到…..!
最後決定是上山頂的.. 不過那時候正是tunnel最多人幫襯時段!
所以最後還是到西貢~

入到西貢都係6點左右.
第一時間, 找個地方泊好架車仔先~

因為係夏天. 6點天還亮, 多一點時間拍拍照~!
拍住拖咁行西貢, 一齊食一杯雪糕~

左手邊因為老公”太高”. 所以要玩高炒先影到我.
不過就影唔到碼頭
要我自己影先影到…

呢到就係dinner, 今餐真係食海鮮, 勁! 打算叫個”溫馨二人世界”
右上點解有個櫃.. 我當時住個位就對正呢個櫃
初初以為個櫃就黎”林”. 點知唔係. 佢只係”梯形”…..無奈
左下:有最愛既龍蝦, 不過一黎就食左勁多.. 唔記得影相..haha
後面係唔好食既東風螺, 都係白勺蝦好食d…
右下:勁大隻瑤柱!!! 不過有d over cook咁…
後面係好味既倉魚~
其實仲有個海鮮湯(超難飲)…. 同埋白菜仔(冇影到)
不過個海鮮湯只係廿蚊. 所以算數.

呢到就係果間野既外面. 我鍾意睇呢d. 隻隻野都king size!!!
下次搵一大班人一齊去食海鮮先!

食飽飽就收到ringo電話. 最後我地出油麻地接佢.
*中途同老公失散左, 分別行唔同路去到相同地點…

呢一晚入左深井, 本來有3架車架. 不過老公拎走左ringo架車去飛囉….
我就影左我同老公架車.. 我架車變左ringo放頭盔既地方囉.
大家見唔見個影幾靚.. 不過係熱d ja…

新窗簾終於來為寶丁之家增加溫馨感!

左圖, 是從舊居搬回來的, 而且SIZE又不對, 不過當時真的沒錢. 唯有先用吧.
而且花紋是音符來的~
再不搭也要用吧.
終於右圖的花花暗紋來到我的家了! 立即全個客廳都是碎花的感覺,
非常一致!
不過新的布布有點簿, 當初真的不應不加遮光布!
現在有點後悔! 不過光一點也好的. 我喜歡光線!

(寶丁平常的位置, 一眼就可以看到, 寶在地上, 丁在床上… 每一張照片也差不多的..)

這是睡房, 左圖看起來最不搭就是那個藍色的窗簾, 老公選回來的顏色.
不過當初這是書房, 所以沒有什麼特別想做的花紋…
現在當然是後悔當初那麼輕率就決定買了那個藍色的布…
右圖呢.. 最不搭的變成了小丁啊! HAHAHA
(丁又在床上)
今次選用了波點, 為了令這個房間更可愛.
頂端還用了粉紅的波點布, 未端又弄了小公主的裙邊~~~
非常可愛!
***在選購這個窗簾時, 我問老公看久了, 會不會覺得頭暈??
老公只說了一句: 一閉上眼就什麼也看不見了!
@_@這是那門子的答案!

來多一張, 小丁照得很可愛. 極度不搭的小丁啊 HAHA
放下來或挷起來都可愛100%

***收集草莓中……

leo’s 生日蛋糕 (特快板)

今次既係cheese cake, 點解係特快? 睇下面就知道!
晚上7時, 小碧終於買齊了材料, 整今次既蛋糕.
本來唔打算整畀leo食, 不過人地生日特登黎我屋企食dinner
點都要整一個畀佢食下
leo黎到時, 個cake仲係個爐入面未成長好~
左圖是剛出來的樣子, 出來時大約是8時半左右吧…
 右圖是冷卻了, 有點下陷的樣子
可能是太厚???? 不知道…..

進入雪櫃凍2個小時左右… 11時半左右終於切來吃了
(不過我們晚餐都吃太飽了~~~)
這個切出來的樣子, 看到下陷的位置都算不太過份
算是有一個”胡”度既….haha
不過生日的leo說還蠻fresh而且不會很….膩..

雖然沒有立祝, 而且賣相很醜的蛋糕啊!!!!
一個晚上就弄出來而且還吃了進肚子!
小碧算是合格吧? hehe

希望下次再弄是不會再下陷就好了!
因為真的好愛吃這個cheese cake!

小學同學聚會 酒樓篇

自從係1996年小學畢業之後, 小碧就冇見過d小學同學啦.
係街到就見過1, 2次既~
終於係琴日, 2008年8月31日, 終於都約左13個出黎啦!
心情很好呢~ 大家的樣子都變了很多, 好可愛的感覺
但傾起計黎, 覺得自己仲係好細個咁, 好小朋友的感覺
好多年沒傾的同學之間的是非, 琴晚真係係咁講
好開心, 好好笑呀!!!

希望快d到第2次既聚會啦!
下次希望可以搵到更多人! 更多更多更多!
可以book場玩就最好!^^

小寶丁生日派對完滿結束

今次寶丁的生日, 媽媽沒有為他們造蛋糕, 今次是造我們自己吃的提拉米仔~
圖中是所有的材料, 還有KATHY送的打蛋器,
這應該是第一次用呢~

分別將芝士, 蛋白, CREAM(千萬別買總統牌, 極難打起)打起
再MIX埋就完成

在盤中先鋪好手指BISCUIT~ 並要濕一濕”咖啡溶液”
再加入已攪好的芝士混合物
最後再加一層手提BISCUIT. 再將淨下的芝士放面….
再放入雪櫃等他們都變冷~~~

上菜前, 在面上再灑上可可粉. 就超好味了!
成功~

這兒是晚餐.
賣相是有點兒不夠美麗.
因為家中沒有可愛的碟子或盤子
沒有風味的家~
桌布也太花, 東西變得不突出….
不過大家也努力把全部東西都盡吃.
^^小碧好開心, 因為吃剩一點點啊~^^

**預告: 下次的派對會是: 萬聖節的恐怖party啊!
勿切留意!!!

小寶丁生日派對 如期舉行!!!

Salad 沙律
蜜瓜三文魚沙律

soup 湯
田園蔬菜湯

main 主菜
芝士煙肉薯片
蘑茹雜菜三色粉
蜜汁雞脾肉

Dessert 甜品
提拉米蘇 Tiramisu

以上食譜只供參考. 小碧怕有些東西買不到, 最後要轉一下材料~
本來這個派對要取消啦
一是沒有人來報名, 二是老公返中更.
但今天老公說原來佢返早更呀~
好野~~~
那就如期進行了
要來幫手弄吃的就早一點來.
只來玩的人呢, 晚上7時來就可以了!
小碧將會在下午1點左右在家!

小寶丁生日派對

一年一度既小寶丁生日就黎到啦!
小丁: 8月21, 小寶:9月1日.
暫定8月24日在小碧家中舉行. 有誰來參加啊!?
歡迎所有識寶丁既朋友仔黎報個名啊!