bEN

今早九時, 我與朋友乘小巴入西貢賞山
到了南邊圍迴旋處, 個小巴司機就講前面有交通意外
我就見到架旅巴翻左~~但無傷者
我心想可能現場巳經被清理後~~但旁邊一個人都無
不夠2秒, 見有個男人在司機位置爬出來
當時我乘坐的小巴司機巳駛慢
再見到一個老女人從中間位置好驚的樣咁爬出來….之後我們的小巴就離開
事從..去到安記士多先知有十幾人死亡

 

真係唔知點樹好~而家先黎話Nalgene係有毒~~
我大大話話有3大2細~~有一個新的大樽係仲未開封
最慘佢話遇熱就會放致癌物質出來:scratch: 咁行山太陽曬住會唔會有事呢
其他人一致都話唔洗理佢, 可以照用
但而家明知有毒都要繼續用好似冒險左少少
唯有而家上山唔用水樽轉用水袋會唔會好少少呢！:?:
咁我家中的一眾Nalgene團隊唯有做古董
反正Nalgene公司唔再出呢種的樽喎
http://www.nalgene-outdoor.com/technical/bpaInfo.html

P.S.  好似話唔止係膠樽有毒 (BPA) ,而係所有膠的耐熱物件都有BPA成份
所以大家平時成日放入微波爐的膠盒都要小心小心噢！:colors:

 

早上0915南豐新村基利路停車場頂蓋公園集合，大會好認真要Check gear的，
三個人一組，我的partner 係Regina及Raymond~阿文就錯入左隊強隊(實在佢果時唔知果隊係強隊！？)

1000時準時出發，要去第一個CP-1 涼亭，天下著毛毛雨沒停過，實在有點擔心！
都唔知著唔著雨褸好

終於到達CP-1的涼亭，實在都唔易搵，好在Raymond睇到個路口
( CP-2寫明係小徑交界, 但個個都盲的, 當時無人睇到，以為係靶場 )

繼續尋找CP-2，大家都滿以為在靶場(唸深一層點會放靶場咁危險)
 

為了去靶場，唯有硬闖抄林！會唔會真係行錯路？！？開題係咁大霧連自己係邊樹都唔知:?:
繼續行又死，返轉頭都係死~~三個人真係共同進退，進退兩難~

唔係呀麻~！CP-2唔係o係靶場喎！！係小徑交界喎~~~
慘！行左咁多全部都係白行。最後搵到個CP-2地點~~點解都係搵唔到check point
因為為時巳晚~個牌都收了，最後等人救去CP-6~(任務失敗)

先到終點寶馬山道遊樂場等第一名回來。大會真係細心，有水果和飲品。
勁呀！我個friend阿文竟然有份~(我仲以為佢昨晚返夜無訓過一早會自動退出了)

為了對應上山下海遲D的野外定向行山活動, 隨心兄攪左個閱讀地圖班開班授徒，真係唔話得。我呢D行山就行得多，但有幾可真係會羅個指南針出來仲要加埋張地圖一齊用。話實個指南針買左都n咁多年，但係仲係新的一樣，開頭行山都仲會帶，帶帶下都費事帶了~

是次活動各人於天后地鐵站等齊人就操上麥記，原來先頭部隊一早就巳經係麥記樓上中間好開揚的位置霸左兩張大台。十幾人就係咁係麥記當課室，其實旁邊的都有好多人當麥記係自修定做功課或傾功課，所以我地都唔算好誇張o者。

隨心兄首先講解地圖, 之後就教大家坐標及指南針的運用。但當然係紙上談兵，實際運用就要留待星期六的西貢實戰。但很可惜我係去唔到的，因為一早約左camping.~~唯有自己一個拿著個指南針去旺角實戰打bearing. :smile: